Gjimnazi "Skënderbeu"

Më 18 maj 2013, maturantët e Gjimnazit “Skënderbeu” festuan Mbrëmjen e Maturës. Fotografisë solemne të gjeneratës iu shtua edhe ky solemnitet tashmë tradicional. Nxënësit maturantë nisën nga Shtëpia e Kulturës “Xheladin Kurtaj”, duke parakaluar plot hirë përgjatë Bulevardit “Ismail Raka” e deri te stacioni i autobusëve. Aktivitetin e organizoi Drejtoria e Shkollës, përkrahur nga kujdestarët e klasave dhe tërë personeli. Për mbarëvajtjen dhe sigurinë u përkujdes edhe Policia e Kosovës, me një organizim të shkëlqyeshëm.
Për bartjen e nxënësve ofroi shërbimin gratis Ndërmarrja Transportuese “Beka” nga Kaçaniku, gjë që u falënderua nga të gjithë.
Mbrëmja u zhvillua në restaurantin “Beni” në Nikë të Kaçanikut, ku nxënësit gjetën një shërbim solid dhe pa asnjë shqetësim.
Përveç drejtorit të Gjimnazit – z. Ibush Vishi, nxënësit i përshëndeti edhe kryetari i Komunës z. Besim Ilazi.
Nga mbrëmja e deri në mëngjes, në shërbim argëtues ishte ndërmarrja shërbyese muzikore “Pro-Audio” nga Kaçaniku, bashkë me këngëtarin e mirënjohur Selim Llumnica, i cili manifestoi një repertor muzikor të pasur e të pastër, cilësor e shumë të përzgjedhur, siç i thonë, që nga jugu e në veri.
Mbrëmja o shoqërua edhe me aktivitete të tjera të organizuara e spontane, që e begatuan atmosferën festive.
Vlen të përmendet se gjatë gjithë solemnitetit, të gjithë pjesëmarrësit manifestuan sjellje korrekte dhe shumë dinjitoze.
Drejtoria e Gjimnazit, me këtë rast, për suksesin e shkëlqyeshëm dhe sjelljen shembullore iu ndau mirënjohje 27 nxënësve (nga tre për paralele):

Ndërkaq, në mënyrë të veçantë, pos mirënjohjes, për vijimin pa asnjë mungesë gjatë tri viteve të gjimnazit, nxënësit Aridon Guri iu dhurua edhe përmbledhja poetike “Muza e Mëmëdheut” e poetit Agim Vinca.