(Nga e hëna, 27.9.2021)
Të nderuar nxënës dhe personel të Gjimnazit “Skënderbeu”,
Ju rikonfirmojmë se nga e hëna – 27.9.2021, mësimin do ta fillojmë me prani fizike në shkollë.
Gjatë gjithë kësaj kohe të kaluar pa praninë e nxënësve, ne kemi ndërmarrë të gjitha masat e nevojshme përgatitore: organizuese, teknike e higjieniko-sanitare në mjedisin shkollor.
Ju lusim dhe kërkojmë që të gjithë së bashku t’i zbatojmë me përpikëri edhe masat e tjera mbrojtëse kundër pandemisë Covid-19, si:
– pastërtia e vazhdueshme dhe kujdesi për tërë ambientin shkollor, dezinfektimi, bartja e maskave, ruajtja e distancës fizike, por edhe vazhdimi i vaksinimit për moshën e rekomanduar, testimi mjekësor etj.,
– kujdesi i veçantë jo vetëm për distancën gjatë shërbimit të ushqimit,
– njoftimi me kohë e sa më parë për rastet eventuale të infeksionit me Covid-19, personalisht a në familje etj.,
– respektimi i orarit mësimor – vajtje-ardhja me kohë etj.
KUJDES I VEÇANTË, SIDOMOS PËR NXËNËSIT:
– Bazuar në raportet dhe rekomandimet e institucioneve përgjegjëse shëndetësore, varianti DELTA I CORONAVIRUSIT aktualisht është më dominues, i cili përbën rrezik potencial aq më kritik për të rinjtë. Prandaj, është më se e domosdoshme që masat mbrojtëse të mos neglizhohen – shpërfillen nga askush!
Shëndet dhe suksese së bashku!
Shtesë: RENDITJA E KLASAVE-PARALELEVE NË NDËRRIME
